ಆಸ್ತಿ ನೋಂದಣಿಯು ಆಸ್ತಿಯ ಹಕ್ಕನ್ನು ಸರ್ಕಾರದ ದಾಖಲೆಗಳಲ್ಲಿ ಕಾನೂನಾತ್ಮಕವಾಗಿ ದಾಖಲಿಸುವ ಪ್ರಕ್ರಿಯೆಯಾಗಿದ್ದು, ಇದನ್ನು ನೋಂದಣಿ ಕಾಯ್ದೆ, 1908ರ ಅಡಿಯಲ್ಲಿ ನಡೆಸಲಾಗುತ್ತದೆ. ಕರ್ನಾಟಕದಲ್ಲಿ ಇದು ಮುದ್ರಂಕ ಮತ್ತು ನೋಂದಣಿ ಇಲಾಖೆ ಅಡಿಯಲ್ಲಿ ನಡೆಯುತ್ತದೆ.
📄 ಅಗತ್ಯವಿರುವ ದಾಖಲೆಗಳ ಪಟ್ಟಿ:
ಕಾನೂನಾತ್ಮಕ ಒಪ್ಪಂದದ ದಾಖಲೆಯಾಗಿ ಮಾರಾಟ ಒಪ್ಪಂದ, ಗುರುತಿಗಾಗಿ ಪಾನ್ ಕಾರ್ಡ್, ಆಧಾರ್ ಕಾರ್ಡುಗಳು, ಸಾಲ ಇಲ್ಲದ ದಾಖಲೆಯಾಗಿ ಅಡ್ಡಹಕ್ಕು ಪ್ರಮಾಣಪತ್ರ(EC), ತೆರಿಗೆ ದಾಖಲೆಯಾಗಿ ಖಾತಾ ಪ್ರಮಾಣಪತ್ರ, ಹಕ್ಕು ದಾಖಲೆಯಾಗಿ ಪಹಣಿ/ಮ್ಯುಟೇಷನ್, ಶುಲ್ಕ ಪಾವತಿಯ ದಾಖಲೆಯಾಗಿ ಡಿಡಿ/ಇ-ಚಲನ್ ಪಡೆಯಿರಿ.
🔹 1. ಟೈಟಲ್ & ದಾಖಲೆ ಪರಿಶೀಲಿಸಿ:
ನೋಂದಣಿಗೆ ಮುನ್ನ ಈ ಕೆಳಗಿನವುಗಳನ್ನು ಖಚಿತಪಡಿಸಿಕೊಳ್ಳಿ:
- ಮಾರಾಟ ಮಾಡುತ್ತಿರುವವರು ಕಾನೂನಾತ್ಮಕವಾಗಿ ಆಸ್ತಿಯ ಮಾಲೀಕರಾಗಿದ್ದಾರೆಯೇ?
- ಆಸ್ತಿಯ ಹಕ್ಕು ಸ್ಪಷ್ಟವಾ ನಮೂದಾಗಿದೆಯೇ?
- ಆಸ್ತಿ ಮೇಲೆ ಯಾವುದಾದರೂ ಸಾಲವಿದೆಯೇ ಅಥವಾ ಯಾವುದೇ ರೀತಿಯ ನ್ಯಾಯಾಂಗ ಪ್ರಕರಣಗಳು ಬಾಕಿ ಇವೆಯೇ?
🔍 ಪರಿಶೀಲಿಸಬೇಕಾದ ಪ್ರಮುಖ ದಾಖಲೆಗಳು:
- ಮಾರಾಟದ ಒಪ್ಪಂದ ಪತ್ರ / ಹಳೆಯ ಹಕ್ಕುಪತ್ರ(Sale Deed / Parent Deed / Gift Deed)
- RTC (ಹಕ್ಕು ಮತ್ತು ಬೆಳೆ ದಾಖಲೆ)
- ಅಡ್ಡಹಕ್ಕು ಪ್ರಮಾಣಪತ್ರ (EC)-Form 15
- ನಿರ್ಮಾಣ ಅನುಮತಿ ನಕ್ಷೆ(Approved Building Plan)
- ಖಾತಾ ಪ್ರಮಾಣಪತ್ರ ಮತ್ತು ಎಕ್ಸ್‌ಟ್ರಾಕ್ಟ್ (BBMP ಅಥವಾ ಸ್ಥಳೀಯ ಸಂಸ್ಥೆಯಿಂದ)
🔹 2. ಸ್ಟಾಂಪ್ ಡ್ಯೂಟಿ ಮತ್ತು ನೋಂದಣಿ ಶುಲ್ಕ ಪಾವತಿಸಿ:
ನೋಂದಣಿಗೂ ಮುನ್ನ ಸ್ಟಾಂಪ್ ಡ್ಯೂಟಿ ಮತ್ತು ನೋಂದಣಿ ಶುಲ್ಕವನ್ನು ಪಾವತಿಸಲೇಬೇಕು.
💰 2024ರ ಪ್ರಕಾರ ಸಾಮಾನ್ಯ ಶುಲ್ಕಗಳು:
- ಸ್ಟಾಂಪ್ ಡ್ಯೂಟಿ: ಆಸ್ತಿಯ ಮೌಲ್ಯದ ಪೈಕಿ 3% ರಿಂದ 5%
- ನೋಂದಣಿ ಶುಲ್ಕ: ಆಸ್ತಿಯ ಮೌಲ್ಯದ ಪೈಕಿ 1%
- ಸೆಸ್ / ಅಧಿಕ ಶುಲ್ಕಗಳು: ಹೆಚ್ಚುವರಿಯಾಗಿ 0.5%–2% (ಆಸ್ತಿಯ ಪ್ರಕಾರ ಮತ್ತು ಸ್ಥಳವನ್ನು ಆಧರಿಸಿರುತ್ತದೆ)
- ಈ ಕುರಿತು ಹೆಚ್ಚಿನ ಮಾಹಿತಿಯನ್ನು ಪರಿಶೀಲಿಸಲು Kaveri Online Services ವೆಬ್‌ಸೈಟ್‌ಗೆ ಭೇಟಿ ನೀಡಿ
🔹 3. ಮಾರಾಟದ ಒಪ್ಪಂದ (Sale Deed) ಸಿದ್ಧಪಡಿಸಿ:
ಮಾರಾಟದ ಒಪ್ಪಂದವು ಮುಖ್ಯ ಕಾನೂನು ಪತ್ರವಾಗಿದೆ:
- ಇದನ್ನು ತಯಾರಿಸಲು ಸ್ಟ್ಯಾಂಪ್ ಪೇಪರ್ ಬಳಸಬೇಕು.
- ವಕೀಲರು ಅಥವಾ ದಾಖಲಾತಿ ಬರಹಗಾರರಿಂದ ಚೊಕ್ಕವಾಗಿ ಬರೆಸಿ.
- ಇದಕ್ಕೆ ಮಾರಾಟಗಾರರು, ಖರೀದಿರಾರರು ಮತ್ತು ಸಾಕ್ಷಿಗಳು ಸಹಿ ಹಾಕಬೇಕು.
🔹 4. Kaveri Portalನಲ್ಲೇ Appointment Book ಮಾಡಿ:
ದೂರದರ್ಶನಕ್ಕೆ: https://kaverionline.karnataka.gov.in
ಪೋರ್ಟಲ್ ನಲ್ಲಿ ಸೇವೆಗಳು ವಿಭಾಗಕ್ಕೆ ತೆರಳಿ, ಅಲ್ಲಿ
- ಆಸ್ತಿ ಮೌಲ್ಯ
- ಸ್ಟಾಂಪ್ ಡ್ಯೂಟಿ
- Appointment Booking ಮಾಡಿ, ನಂತರ
- ಅಡ್ಡಹಕ್ಕು ಪ್ರಮಾಣಪತ್ರ(Encumbrance Certificate) ಡೌನ್‌ಲೋಡ್ ಮಾಡಿಕೊಳ್ಳಿ.
🔹 5. ಉಪ ನೋಂದಣಾಧಿಕಾರಿಗಳ ಕಚೇರಿಗೆ ಭೇಟಿ ನೀಡಿ:
ನಿಗದಿತ ದಿನಾಂಕದಂದು ಮುಂದಿನ ಪ್ರಕ್ರಿಯೆಗಾಗಿ ಉಪ ನೋಂದಣಾಧಿಕಾರಿಗಳ ಕಚೇರಿಗೆ ಭೇಟಿ ನೀಡಿ. ಈ ವೇಳೆ,
- ಮಾರಾಟಗಾರರು, ಖರೀದಿದಾರರು, ಹಾಗೂ ಇಬ್ಬರು ಸಾಕ್ಷಿಗಳು ಉಪ ನೋಂದಣಾಧಿಕಾರಿಗಳ ಕಚೇರಿಗೆ ಹೋಗಬೇಕು.
- ಎಲ್ಲಾ ದಾಖಲೆಗಳನ್ನು ಸಂಬಂಧಪಟ್ಟ ಅಧಿಕಾರಿಗಳಿಗೆ ಸಲ್ಲಿಸಿ.
- ಅಲ್ಲಿನ ಸಿಬ್ಬಂದಿ ಆಧಾರ್ ಸೇರಿದಂತೆ ಇತರೆ ದಾಖಲೆಗಳನ್ನು ಪರಿಶೀಲಿಸುತ್ತಾರೆ.
- ಈ ಮೊದಲೇ ಪಾವತಿಸಿಲ್ಲ ಎಂದಾದಲ್ಲಿ, ಸ್ಟಾಂಪ್ ಡ್ಯೂಟಿ ಮತ್ತು ನೋಂದಣಿ ಶುಲ್ಕವನ್ನು ಪಾವತಿಸಿ.
- ಉಪ ನೋಂದಣಾಧಿಕಾರಿಗಳು ಎಲ್ಲಾ ದಾಖಲೆಗಳನ್ನು ಪರಿಶೀಲಿಸಿ ಕಾನೂನಾತ್ಮಕವಾಗಿ ನೋಂದಾಯಿಸಿ ಕೊಡುತ್ತಾರೆ.
🔹 6. ನೋಂದಾವಣೆ ಆದ ನಂತರ ಮಾರಾಟ ಒಪ್ಪಂದ ಪಡೆಯಿರಿ: ಆಸ್ತಿಯನ್ನು ಯಶಸ್ವಿಯಾಗಿ ನೋಂದಾವಣೆ ಮಾಡಿದ ತರುವಾಯ,
- ಡಿಜಿಟಲ್ ಸಹಿ ಹೊಂದಿರುವ “ನೋಂದಾಯಿತ ಮಾರಾಟ ಒಪ್ಪಂದ” ಒದಗಿಸಲಾಗುತ್ತದೆ.
- ಖಾತಾ ದಾಖಲೆ ಮತ್ತು ಅಡ್ಡಹಕ್ಕು ಪ್ರಮಾಣಪತ್ರ(EC)ವನ್ನೂ ನವೀಕರಿಸಲಾಗುತ್ತದೆ. ಅವುಗಳನ್ನು ತಪ್ಪದೆ ಪಡೆದಿಟ್ಟುಕೊಳ್ಳಿ.
⚠️ ಮುನ್ನೆಚ್ಚರಿಕೆ:
- ಆಸ್ತಿಯ ಕಾನೂನಾತ್ಮಕ ಸ್ಥಿತಿ ಪರಿಶೀಲಿಸಿ.
- DC conversion ಆಗಿದೆಯೇ ನೋಡಿಕೊಳ್ಳಿ.
- ವಕೀಲರಿಂದ ಕಾನೂನು ಅಭಿಪ್ರಾಯ ಪಡೆಯಿರಿ.
- ಆಸ್ತಿಯ ಟೈಟಲ್ ಮತ್ತು EC ಪರಿಶೀಲನೆ ಅಗತ್ಯ.
📞 ಉಪಯುಕ್ತ ಸಂಪರ್ಕಗಳು:
- ಕಾವೇರಿ ಸಹಾಯವಾಣಿ: 080-22220966 / 802-224-5050
- ಅಧಿಕೃತ ವೆಬ್‌ಸೈಟ್: https://kaverionline.karnataka.gov.in