✅ EPFನಲ್ಲಿ ಈ ಕೆಳಗಿನ ವಿವರಗಳನ್ನು ತಿದ್ದುಪಡಿ ಮಾಡಬಹುದು:
- ಹೆಸರು
- ಜನ್ಮದಿನಾಂಕ(DOB)
- ಲಿಂಗ(Gender)
- ಆಧಾರ್ ಸಂಖ್ಯೆ
- PAN ಸಂಖ್ಯೆ
- ತಂದೆ/ಪತಿಯ ಹೆಸರು
- ಸಂಬಂಧದ ವಿವರಗಳು
🧾 ಅಗತ್ಯವಿರುವ ದಾಖಲೆಗಳು:
ಈ ದಾಖಲೆಗಳಲ್ಲಿ ಯಾವುದಾದರೂ ಒಂದು ಬೇಕಾಗಬಹುದು:
- ಆಧಾರ್ ಕಾರ್ಡ್ (ಬಳಕೆಗೆ ಕಡ್ಡಾಯ)
- PAN ಕಾರ್ಡ್
- ಜನನ ಪ್ರಮಾಣಪತ್ರ(DOB ತಿದ್ದುಪಡಿಯೋಸ್ಕರ)
- ಪಾಸ್‌ಪೋರ್ಟ್ / ಡ್ರೈವಿಂಗ್ ಲೈಸೆನ್ಸ್(ಹೆಸರು ಪರಿಶೀಲನೆಗಾಗಿ)
🌐 ಹೆಸರು/DOB ತಿದ್ದುಪಡಿ ಮಾಡಲು ಹಂತಗಳು:
🔹 ಹಂತ 1: EPFO ಮೆಂಬರ್ ಪೋರ್ಟಲ್‌ಗೆ UAN ಹಾಗೂ ಪಾಸ್‌ವರ್ಡ್ ಬಳಸಿ ಲಾಗಿನ್ ಆಗಿ.
🔹 ಹಂತ 2: “Manage” → “Modify Basic Details” ಮೇಲೆ ಕ್ಲಿಕ್ ಮಾಡಿ.
🔹 ಹಂತ 3: ಸರಿಯಾದ ವಿವರಗಳನ್ನು ನಮೂದಿಸಿ.
ಇಲ್ಲಿ ಪ್ರಸ್ತುತ EPFO ಬಳಿ ಇರುವ ದಾಖಲೆಗಳ ವಿವರವನ್ನು ತೋರಿಸಲಾಗುತ್ತದೆ.
ನೀವು ಆಧಾರ್ ಕಾರ್ಡ್‌ನಲ್ಲಿರುವಂತೆ ಸರಿಯಾದ ವಿವರಗಳನ್ನು ನಮೂದಿಸಿ.
✅ ವಿವರಗಳು ಆಧಾರ್‌ನಂತೆ ಇರುವುದು ಕಡ್ಡಾಯ.
❗ಅಕ್ಷರ ದೋಷವಿದ್ದರೂ ತಿದ್ದುಪಡಿ ಮಾಡಬೇಕಾಗುತ್ತದೆ.
🔹 ಹಂತ 4: ನಿಮ್ಮ ಉದ್ಯೋಗದಾತರಿಗೆ ಅನುಮತಿ ಕೋರಿ ಅರ್ಜಿ ಸಲ್ಲಿಸಿ.
🔹 ಹಂತ 5: EPFO ಯಿಂದ ತಿದ್ದುಪಡಿ ದೃಢೀಕರಣ.
ಉದ್ಯೋಗದಾತರು ಅನುಮೋದಿಸಿದ ನಂತರ, EPFO ಸಂಸ್ಥೆಯು ನಿಮ್ಮ ಆಧಾರ್ ಮಾಹಿತಿಯನ್ನು ಪರಿಶೀಲಿಸಿ ತಿದ್ದುಪಡಿಗೆ ಅನುಮೋದನೆ ನೀಡುತ್ತದೆ.
📅 ಈ ಪ್ರಕ್ರಿಯೆಯು ಸಾಮಾನ್ಯವಾಗಿ 15–30 ದಿನಗಳವರೆಗೆ ತೆಗೆದುಕೊಳ್ಳುತ್ತದೆ.
📲UMANG ಅಪ್ಲಿಕೇಷನ್ ಬಳಸಿಯೂ ತಿದ್ದುಪಡಿ ಮಾಡಬಹುದು:
UMANG ಆ್ಯಪ್ ಬಳಸಿ ಸಹ ಮಾಡಿ:
- OTP ಮೂಲಕ ಲಾಗಿನ್ ಆಗಿ
- EPFO → eKYC ಸೇವೆಗಳು → Basic Details Update ಮಾಡಿ.
- ನಿಮ್ಮ UAN ನಂಬರ್ ನೀಡಿ ತಿದ್ದುಪಡಿ ಮಾಡಿ.
⚠️ ಮುಖ್ಯ ಸೂಚನೆಗಳು:
- ನಿಮ್ಮ ಆಧಾರ್ ಜೋಡಣೆಯಾಗಿರಬೇಕು
- ಅರ್ಜಿ ಪ್ರಕ್ರಿಯೆಯಲ್ಲಿರುವಾಗ ಯಾವುದೇ ಬದಲಾವಣೆ ಮಾಡಲು ಸಾಧ್ಯವಾಗಲ್ಲ.
- ಉದ್ಯೋಗದಾತರು ಅನುಮೋದನೆ ಮಾಡುವುದನ್ನು ವಿಳಂಬ ಮಾಡಿದರೆ, ನೇರವಾಗಿ EPFOದ ಸ್ಥಳೀಯ ಕಚೇರಿಗೆ ಭೇಟಿ ನೀಡಿ ದಾಖಲೆಗಳೊಂದಿಗೆ ಮನವಿ ಸಲ್ಲಿಸಬಹುದು.
📌 ಉದಾಹರಣೆ:
ಸಮಸ್ಯೆ: EPF ನಲ್ಲಿ ಹೆಸರು = “Ravi Kumar”, ಆದರೆ ಆಧಾರ್‌ನಲ್ಲಿ = “Ravi Kumaar” ಎಂದಿದೆ ಎಂದಿಟ್ಟುಕೊಳ್ಳೋಣ.
➡ ತಿದ್ದುಪಡಿ ಅರ್ಜಿ ಸಲ್ಲಿಸಿ → ಆಧಾರ್‌ನಂತೆ ಹೆಸರು ಸರಿಪಡಿಸಬಹುದು
➡ ಆಧಾರ್ ಪರಿಶೀಲನೆ + ಉದ್ಯೋಗದಾತರಿಂದ ಅನುಮೋದನೆ ಅಗತ್ಯ.